علق الممثل المصري وعضو مجلس الشيوخ ياسر جلال على الإنتقادات التي طالته بعد حديثه عن حق الأداء العلني وقوله إنه يقدم مسلسلاً واحداً في السنة وبالكاد يكفيه الأجر الذي يتقاضاه.
اقرأ ايضا: شمس البارودي في أحدث ظهور
وقال ياسر جلال خلال مداخلة هاتفية ضمن برنامج “آخر النهار” الذي يقدمه الإعلامي المصري تامر أمين: “قلت كلمة على موضوع أجري والناس قالت إيه دا إنت بتاخد قد كده ومش مكفيينك. في زملاء ليا بيتباهوا إنه يقولوا أنا أعلى أجر في مصر، لا أنا أقل أجر بالنسبة لزمايلي”.وفي رده على قول تامر أمين إن الأجر الذي يتقاضاه هو 40 مليون جنيه مصري، قال ياسر جلال: “أقسم بالله ربع التمن أزيد منه شوية عشان القسم، أنا راضي دا كتير. أنا مش بعمل إعلانات ومش بروح برامج بفلوس، مش بعمل أفلام ومعنديش بيزنس”.وأضاف: “الفلوس اللي باخدها بعيش منها طول السنة، بدفع حوالي 40% ضرائب، وبجيب بدلة مش أقل من 100 ألف جنيه، لما أروح مسلسل أجيب 10 بدل و10 بنطلونات، ولما آخد ولادي وأطلع أقعد في مكان خاص، النجومية ليها تمن هو طبعاً مبلغ كبير بيتصرف على أعباء الشغلانة، وبدفع الضرائب وبدفع الزكاة. فلوسي مش ليا هي لأسرتي بنعيش كويس جداً وبنسافر برا مصر”.وختم ياسر جلال قائلاً: “الممثل عشان يحوّش لازم يبقى عنده بيزنس”.
